Araweelo News Network.
Hargeysa(ANN)-Afhayeeka xisbiga mucaaridka ah ee WADDANI, Garyaqaan Barkhad jaamac batuun, ayaa si adag uga hadlay wareegto Xukuuamdda Somaliland ku laashay ruqadihii sharci ee ay ku shaqaynayeen shirkaddaha Isgaadhsiinta Somaliland ee ka hawl-gala dalka.
Kaddib markii Wasaaradda Boosaha, Isgaadhsiinta iyo Tiknoolajiyada Jamhuuriyadda Somaliland, ay sheegtay in ay gebi ahaanba laashay ruqsadihii ay ku shaqaynayeen Shirkaddaha Isgaadhsiinta ee dalka ka shaqeeya, isla markaana ku amartay in ay dib u soo codsadaan qaadashada Liisamada Isgaadhsiinta, iyadoo ay wasaaraddu sheegtay in la waafajinayo xeer-nidaamiyaha adeegyada Isgaadhsiinta Dalka, kaas wasaaraddu ay soo saartay sannadkii tegey ee 2020.
Hase yeeshee Afahayeenka ayeeka xisbiga mucaaridka ah ee WADDANI, Garyaqaan Barkhad jaamac Batuun, ayaa ku tilmaamay arrintaa mid aan sharciga meelna kaga jirin oo qayral dastuur ah, wuxuuna ugu baaqay xukuumadda in ay la noqoto wareegtaada.
AKHRI: Shirkaddaha Isgaadhsiinta Somaliland Oo Xukuumaddu Laashay Ruqsadihii Sharci Ee Ay Haysteen
Garyaqaan Batuun oo la hadlay Telefishanka Horn Cable, isagoo ka hadlaya arrintaa, wuxuu sheegay in wareegtadaasi ay ku geftay sharciga dalka iyo sharciyada qaanuuniga ah ee ay leeyihiin shirkaddaha Isgaadhsiintu.
Sidaa awgeed wuxuu xusay Garyaqaan Barkhad, in maadaama aannay wareegtadu ahayn mid sharci oo ay la noqoto wasaaraddu, isagoo sababta sharcidarada sidan oo kale ay u dhacaysana ku tilmaamay mid muujinaysa in aannu dalka ka jirin baarlamaan shaqaynaya oo wasaarad walaba waxa ay doonto soo saarayso.
Halkan Ka Daawo;