Hargeysa(ANN)-Gollaha Guurtida Somaliland, ayaa loogu yeedhay inay fadhi aan caadi ahayn isugu yimaadaan maalinta Sabtida ee fooda inagu soo haysa oo ku beegan 12 January 2019.
Sidaana waxa shaaciyay maanta Xoghayaha gollaha Guurtida Somaliland Naasir Aadan Beegsi,wuxuuna sheegay in sababta fadhiga aan caadiga ahayn loogu yeedhay Mudanayaasha Aqalka Odayaasha ay ka danbaysay kadib markii ay Madaxweynaha Somaliland Muuse Biixi ka heleen qoraal uu soo gaadhsiiyay shir-gudoonka golaha.
Xoghaya gollaha Guurtida Naasir Beegsi, ma sharaxin ujeedada fadhigaa degdega ah. Balse wuxuu xusay in lagaga hadlayo wax Qaranka Somaliland muhiim u ah.
Haseyeeshee si ku cad Warqada Madaxweyne Muuse Biixi u gudbiyay Shirgudoonka golaha guurtida oo ku taariikhaysan 8 January 2019, Isla markaana shebkadda Araweelo News Network heshay nuqul ka mid ah, waxa Madaxweynuhu kaga hadlay in muddadii la filayay in doorashada golaha Wwakiiladda Somaliland ka qabsoonto dalka March 2019, aanay farsamo ahaan Iyo dhaqaale ahaan suurta gal ahayn.
Sidaa awgeed Madaxweynaha Somaliland Muuse Biixi, wuxuu qoraalkiisa ku sheegay in uu ku lifaaqay warqad uu ka helay guddida Doorashooyinka Qaranka oo ku taariikhaysan 19/12/2018, taas oo ay ku sababeeyeen in aan doorashadu waqtigeedu ku qabsoomayn.
Qoraalka Madaxweyne Muuse Biixi u gudbiyay golaha Guurtida, ayaa u dhignaa sidan:-
