Araweelo News Network
Hargeysa(ANN)-Madaxweynaha Somaliland Muuse Biixi Cabdi, ayaa magcaabay masuuliyiin cusub, Isla markaana xilalkii ay hayeen ka qaaday masuuliyiin xilal hore hayay, halka Madaxweynuhu meelo kale u bedelay masuuliyinta qaarkood.
Sidaana waxa lagu sheegay wareegto kasoo baxday Qasriga Madaxtooyadda oo uu ku saxeexanyahay Madaxweyne Muuse Biixi, wareegtadaa oo nuqul ka mid ah soo gaadhay shebekadda wararka ee Araweelo News Network, ayaa u qornayd sidan:-
“Madaxweynaha Jamhuuriyadda Somaliland, Mudane Muuse Biixi Cabdi waxa uu wareegto madaxweyne oo summadeedu tahay JSL/XM/WM/222-179/082018, uu maanta ku magacaabay masuuliyiin cusub.
Waxaanay u dhignayd Wareegtada Madaxweynuhu Sidan:-
Wareegto Madaxweyne
Magacaabid
Markaan Arkay:Dastuurka Jamhuuriyadda Somaliland, Qodobka 90aad;
Markaan Arkay:Aqoontooda, Kartidooda iyo Waaya-aragnimadooda;
Markaan ku Qancay:In ay Hanan Karaan Masuuliyadda ka Dhalanaysa Xilalkan;
Markaan Sameeyey: La-tashi;
Waxaan Go’aamiyey;
In laga bilaabo taariikhda maanta aan xilalkan u magacaabo masuuliyiintan:
1.Baashe Cawil Cumar
Wakiilka Somaliland ee Dalka Kenya
2.Xasan Hirad Yaasiin
Wakiilka Somaliland ee Dalka Imaaraadka Carabta
3.Bashiir Sheekh Cumar Good
Wakiilka Somaliland ee Dalka Maraykanka
4.Cabdillaahi Cabdi Cali (Dhakaar)
Ergayga Gaarka ah ee Somaliland u qaabilsan Urur Goboleedka Horumarinta iyo Xidhiidhka Bulshada Bariga Afrika (EAC)
5.Xasan Axmed Ibraahin (Embassy)
Maareeyaha Haamaha Kaydka Shidaalka Qaranka
Waxaan uga mahadcelinayaa muddadii uu hayey xilka Qaranka Wakiilkii hore ee Somaliland u fadhiyey Dalka Maraykanka Mudane, Rashiid Maxamed Nuur (Gaaruf).
ALLAA MAHAD LEH
Muuse Biixi Cabdi
Madaxweynaha Jamhuuriyadda Somaliland