Araweelo News Network
Hargeysa(ANN)-Xukuumada Somaliland, ayaa soo saartay amar adag oo lagu mamnuucayo dabaal degyo la xidhiidha guusha doorashadda Somaliland ee lagu dhawaaqay goor dhowayd, taas oo Murrashaxiinta Xisbiga KULMIYE loogu dhawaaqay, kadib markii Muuse Biixi Cabdi iyo Cabdiraxmaan Saylici ku guulaysteen tirada guud ee doorashadda codad dhan 79,817 (toddobaatan iyo sagaal kun, siddeed boqol iyo toddoba iyo toban cod).
Wasiirul dawlaha Amniga ee wasaarada arrimaha gudaha Somaliland, Maxamed Muuse Diiriye, ayaa taageerayaasha xisbiga guulaysta ugu baaqay inaanay soo dhaafin guryahooda, isla markaana ay xafladaha ku qabsadaan hudheelada, sidoo kalena aanay usugu soo bixin shaaricyada magaalooyinka.
“Waxaan uga digayaa inay taageerayashu qabtaan xaflado farxado ah oo aan loo baahnayn oo ay ka dhigaan shaaricyada magaalooyinka, waxaanan ugu baaqayaa taageerayasha inay xafladaha ku qabsadaan guryahooda iyo hudheelada waa weyn.” Ayuu yidhi Wasiirul dawlaha oo la hadlay HCTV.