Somaliland: Wasiirka Arrimaha Dibedda Dr. Sacad Cali Shire Oo Ka Degay Washington

Araweelo News Network

Washington(ANNh-Wasiirka Arrimaha Dibedda Somaliland Dr. Sacad Cali Shire, ayaa Ka degay garoonka diyaaradaha ee Dullas International Airport ee magaalada Washington DC.

WAsiirka Arimaha Dibeda ee Somaliland Dr. Sacad Cali Shire, waxa Airportka ku soo dhaweeyey safiirka Somaliland ee dalkan Maraykanka Mudane Rashiid Gaaruf, masuuliyiinta xisbiga talada haye ee Kulmiye ee dalkan Maraykanka iyo jaaliyada Somaliland ee ku dhaqan Washington DC iyo nawaaxigeeda.

Wasiirka safarkiisu waa mid shaqo oo uu kula kulmi doono musuuliyiin ka tirsan dawlada maraykanka iyo kuwa United Nationka mudada uu joogo dalkan Maraykanka. Wasiirku wuxu kulamo ku leeyahay Washington DC illaa maalinta Khamiista, waxa kale oo uu ka qayb qaadan doonaa xaflad qaadhaan loogu ururinayo dadka reer Somaliland ee abaaruhu saameeyeen hebeenka Arbacada ee bishan May tahay 24ka, halkaas oo uu kula kulmi doono jaaliyada reer Somaliland.

Xafiiska Somaliland Ee Washington USA