Araweelo News Network
Hargeysa(ANN/RT-Arabic) Askarigii Maraykanka ahaa ee dilay Hogaamiyihii Shabakada Alqaacida Usama Bin Ladan ayaa hadda ka hadlay sidii wax u dhaceen gaar ahaan qaabkii ay ugu daateen ee u galeen dhismahii uu deganaa Usama ee ku yaallay Magaalada Pot Abbad ee dalka Pakistan.
Askarigan Robert O’Nel oo hore uga tirsanaa ciidamada gaarka ah ee Dalka maraykanka oo 41 jir ah kana qaybgalay fulinta hawlgalo gaar ah ilaa 400 jeer ayaa buugiisa uu ku soo koobay shaqadiisii ee uu u bixiyey “The Operator’ waxa uu qayb ka mid ah tafaasiil kaga bixiyey qaabkii uu u dilay Usama Bin ladan.
Robert O’Nel waxa uu sheegay in markii ay u dhacayeen guriga uu deganaa Usama Bin ladan uu isagu gaadhay dabaqii sadexaad ee Guriga ugu sareeyey, isla markaana ay rasaas is weydaarsadeen inankii Khaalid ee uu dhalay Usama, ka dibna uu khaalid dhaawacmay, ka dibna uu isagu gaadhay qolkii hurdada ee Usama deganaa, iyagoo si fool ka fool ah isaga soo horbaxay Usama oo ay la joogto xaaskiisii ugu yaraa, xiligaasina ay ahayd markii uu askarigani rasaasta madaxa kala eegtay Usama oo sidaa ku geeriyooday.
Askariga O’nel waxa uu intaa ku daray in uu isagu mar kale rasaas madaxa kaga sii dhuftay meydkii Usama si uu u hubiyo inuu dhintay, wax yar ka bacdina ay goobtii isugu yimaadeen kooxdii ciidanka ahayd ee guriga u dhacday ee ‘SEAL” kuwaas oo in mid kasta oo ka mid ahaa uu rasaas ku furay meydkii Usama Bin ladan illaa uu u kala go’ay illaa 100 meelood.
Sida uu ku caddeeyey Buugiisa ayaa askarigii dilay Usama Bin Ladan waxaa meydkiisii loo qaaday dhanka Afghanistan si loo hubiyo inuu isagii yahay, markii taa la xaqiijiyayna waxaa loo qaaday Markab dagaal oo ay Ciidamada Maraykanku leeyihiin oo lagu magacaabo Carl Vinson CVN-70, kaasoo taagnaa biyaha badda carbeed, waxaana lagu tuuray badda si loogu aaso.
Xiggasho: xogtadunida.com/