Araweelo News Network
Washington(ANN)Dambi baadhayaasha Mareykanka, ayaa helay ogolaansho maxkamadeed oo ay ku baadhi karaan kumannaan email oo ay leedahay Haweeney kaaliye sare u ah Hillary Clinton.
Jimcihii ayuu madaxa FBI-da Mareykanka, James Comey, waxa uu ku dhawaaqay in uu dib u bilaabayo baadhitaankii ay ku hayeen sida ay Mrs Clinton u isticmaashay emailkeeda gaarka ah markii ay ahayd Xoghayaha Arrimaha Dibadda ee dalkaasi.
Hogaamiyaha Xisbiga Dimuqraadiga ee ka tirsan Sanate-ka Maraykanka, ayaa sheegay in ay suurto gal tahay in FBI-du sharciga jabisay maadaama oo ay shaaciyeen in hay’adda baadhistu bilowday baadhitaan ay ku hayso emaillo ay suurto galtahay in lala xidhiidhin karo Hillary Clinton.
Harry Reid, ayaa ku eedeeyay agaasimaha FBI-da, James Comey, in uu ku xadgudbay sharci saraakiisha dowladda ka horjoogsanaya in ay qaadaan tallaabo saamayn ku yeelan karta doorashada.
Warka ku saabsan in FBI-du bilowdo baadhitaan ayaa soo baxay, iyadoo laba todobaad wax ka yari ka hadhsanyihiin doorashada Maraykanka.
Sidoo kale waxa la sheegayaa in FBI-du heshay fasax maxkamadeed oo ay ku baadhayaan emaillo badan oo ay lahayd Haweenay kaaliye sare u ahayd Clinton.