Midowga Yurub oo Shaaciyey in aannu Dhowayn Isfaham Guud oo Dhexmara Somaliland iyo Soomaaliya PDF Print E-mail
Friday, 09 March 2012 00:14

Hargeysa (ANN)-Ururka Midowga Yurub, ayaa markii u horraysay shaaciyey in aannu weli dhowayn isfaham guud oo dhexmari kara Jamhuuriyadda Somaliland iyo dalka Soomaaliya, balse waxay sheegeen inay Madaxweyne Siilaanyo ku hambalyeeyeen salaan ganac-qaadka ah oo uu

la yeeshay Madaxweynaha Soomaaliya 23kii bishii February 2012, xilligaas oo lagu gudo-jiray shirkii arrimaha Soomaaliya lagaga hadlayey ee ka dhacay magaalada London ee dalka Ingiriiska.
Sidaa waxa ku dhawaaqay Safiirka Midowga Yurub u qaabilsan arrimaha Soomaaliya Abassador Georges-Marc Andre oo hudheelka Ambassador ee magaalada Hargeysa ugu warramay maanta  saxaafadda maxalliga ah, isagoo caddeeyey in EU-du doonayaan sidii loo dhisi lahaa wadahadal dhexmara Somaliland iyo Soomaaliya, arrintaasoo uu ku tilmaamay mid muhiimad weyn u leh xasilloonida Gobolka Geeska Afrika.
Waxa kaloo uu Safiirku xusay inuu Madaxweyne Siilaanyo uu la kulmay shalay ku hambalyeeyey go’aankii uu ka qaaday in Somaliland ka qaybgasho shirkii London.
Ambassador Georges-Marc Andre waxa uu kulankiisa saxaafadda Somaliland kaga hadlay mashaariicda kala duwan ee Midowga Yurub ka fuliyo dalalka Somaliland iyo Soomaaliya, isagoo carrabka ku dhuftay in 50% dhaqaalaha loogu talogalay Soomaaliya uu ku baxayo mashaariicda horumarka Somaliland, iyagoo warfidiyeennaduna dhinacooda safiirka halkaas ku weydiiyey su’aalo tiro badan oo dhinacyo kala duwan taabanaya.
Su’aalihii suxufiyiintu weydiiyeen Safiirka Midowga Yurub u qaabilsan arrimaha Soomaaliya Georges-Marc Andre iyo jawaabaha uu ka bixiyey waxay iyagoo faahfaahsan u dhaceen sidan:
VOA: Waxa lagu gudo jiraa xuska maalinta haweenka adduunka, sidaa darteed Midowga Yurub ma hayaa qiyaas ahaan xaddiga hooyooyinka iyo carruurta u dhinta xilliga dhalmada ee Somaliland iyo Soomaaliyaba?
Safiirka Midowga Yurub: Sidaad ogtahay heerka dhimashada hooyada iyo carruurta ee xilliga umushu waxa uu ku xidhan yahay degaamaynta, taasoo ah wax-soo-saarka cuntada. Waxay kaloo keenay degaanka hooyadu ku shaqayso xilliga ay uurka leedahay iyo faqiirnimada ku hareeraysan, markaa Somaliland ugu yaraan horta waxaynu ku haysanaa nabadgelyo iyo ammaan inoo suurtogelinaya inay helo cusbitaallo, in la helo degaanka ku habboon in hooyada lagaga umuliyo iyo hannaanka fayo-dhawrka degaanka, laakiin waxaynu odhan karnaa weli arrimahaas oo dhan waa daciif, sidaa darteed waxaynu odhan karnaa Somaliland weli waxay ka mid tahay dalalka ugu sarreeya ee hooyada iyo carruurtu u dhintaan xilliga dhalmada.
Waxa dhibaatadan lagaga hortagi karaa ama wax lagaga qaban karaa iyadoo ay iskaashadaan hay’adaha dawladda, ururrada samafalka, deeq-bixiyeyaasha iyo cid kasta oo danaynaysa si ilmaha yar ee Somaliland ku dhashaa u helo fursadaha uu haysto ilamaha ku dhasha degaannada tayadoodu fiican tahay.
Jamhuuriya: Waxa Midowga Yurub go’aansadeen inay 3.8 milyan euro ku bixiyaan dhismaha jid isku xidhaya Dekedda Berbera iyo dalka Itoobiya. Shacabka reer Somaliland ma u sheegi kartaa waqtiga fulinta mashruucaasi bilaabmayo?
Safiirka Yurub: Sidaad ogtahay mashaariicda horumarintu waxay badanka bilaabmaan ama la hirgeliyaa marka la helo degaan ay ku habboon yihiin in laga hirgeliyo, balse markaad eegto Soomaaliya iyo gobolka oo dhan Somaliland waa goob ku fiican in laga hirgeliyo mashaariicda horumarinta.
Haddaan ka hadlo mashaariicda horumarinta Midowga Yurub caalamka ka hirgelinayo muddada u dhexaysaysa 2008 ilaa 2013 waxay kor u dhaafaysaa 500 milyan oo lacagta Yurub ah, taasoo 50% noqonaysa qiyaastii 250 milyan oo euro laga hirgelinayo Somaliland. Ilaa hadda EU-du waxay arrimaha gargaarka ku maalgeliyeen lacag gaadhaysa 242 milyan Euro. Waxa kaloo aannu 325 milyan Euro ku maalgelinay ama ku bixinnay mushaharooyinka la siiyo ciidammada AMISOM ee Muqdisho jooga, sidaa darteed waxaan odhan karaa waxaannu Soomaaliya taageero u siinnaa lacag gaadhaysaa 1 bilyan oo Euro, taasoo qiyaastii 250 milyan ay ku baxdo barnaamijyada horumarinta Somaliland.
Lacagta aad ka hadashay ee gaadhaysa 3.8 milyan Euro ee lagu darsayo jidka isku xidhaya Berbera iyo Itoobiya kuma jirtu lacagahan aan ka hadlayo, waana ka gooni oo waxay qayb ka tahay maalgelinta mandaqadda Geeska Afrika, waxana fulinaya Urur-goboleedka IGAD, maxaa yeelay Dekedda Berbera iyo dhismaha jidka ku xidhaya Itoobiya waa mid muhiim u ah gobolka oo dhan, waxaannu mashruucani bilaabmayaa marka la saxeexo ee qandaraaskiisa la arko. Lacagta gaadhaysa 3.8 milyan Euro waxay ku baxaysaa daraasad lagu samaynayo dhismaha jidka Berbera iyo Itoobiya (Berbera Corridor), marka daraasaddaas la sameeyo ayaana hawsha kale ee culus la bilaabayaa, bilaha soo socdana ayaana la saxeexi doonaa meelmarinta daraasadda lagu samaynayo dhismaha jidka Dekedda Berbera ku xidhaya dalka Itoobiya, waxaanan idiin sheegayaa in aannu cadaaddis ku saari doono Urur-goboleedka IGAD sidii degdeg loogu fulin lahaa barnaamijkan.
Jamhuuriya: Qodobadda ka soo baxay shirkii London ee 23 February 2012 qabsoomay waxa ka mid ahaa in beesha caalamku taageerto sidii wadahadal u dhexmari lahaa Somaliland iyo dawladda ku-meelgaadhka ah ee Soomaaliya, sidee buu Midowga Yurub u arkaa wadahadal dhexmara Somaliland iyo Soomaaliya?
Safiirka Midowga Yurub: Horta aad baannu ugu faraxsananay in aannu saaka (shalay) la kulo Madaxweyne Siilaanyo si aannu ugu hambalyeyno go’aankii Somaliland kaga qaybgashay shirkii London. Waxa kale oo aannu madaxweynaha Somaliland ku hambalyeynay in markii u horreysay ilaa sannadkii 1991 uu gacan-qaaday Madaxweynaha Soomaaliya Sheekh Shariif. Sababta aannu u hambalyeynaynaa waxay tahay waxa Midowga Yurub wadaa itataarijiyad ku saabsan Geeska Afrika oo taageeraysa dhismaha nabadda, xasilloonida iyo horumarka guud ahaan gobolka oo dhan, markaa haddii aanay wehelkayaga Geeska Afrika wada shaqayn oo ay diidaan inay wadahadlaan, hadday diidaan inay eegaan maslaxadda dadweynaha Geeska Afrika, dedaallada oo dhan ee la xidhiidha horumarka, nabadda iyo xasiloonidu way guuldarraysanayaan, taasina waa sababta aannu Madaxweyne Siilaanyo ugu hambalyeynayno geesinimadiisa iyo kartidiisa.
Isgacan-qaadka Madaxweyne Siilaanyo iyo Madaxweyne Sheekh Shariif dhexmaray waa tallaabadii u horreysay ee la qaaday, welina aad baynu uga fognahay in isfaham buuxaa dhexmaro labada dhinac oo dedaalo badan oo lagu dhisayo dawladda Soomaaliya ayaa socda marka la gaadho bisha August 2012, waxaanuna doonaynaa in la sii dhiso tallaabadaas la qaaday.
Telefishanka Qaranka: Madaxweyne Siilaanyo markii aad la kulanteen ma kala hadasheen doorka Somaliland ka qaadan karto la-dagaalanka budhcad-badeedda, maadaama oo lagu jiro xuska maalinta haweenka adduunkana waa maxay doorka dumarku ka qaadan karaan la-dagaalanka budhcad-badeedda?
Safiirka Midowga Yurub: Waxaannu Madaxweyne Siilaanyo ku hambalyeynay ballanqaadka Somaliland ka geysatay inay wax ka qabanayso budhcad-badeedda. Waxa kaloo aannu madaxweynaha ku hambalyeynay heshiiska ay la galeen madaxweynaha dalka Seychelles ee la xidhiidhay in maxaabiista budhcad-badeedda loo soo gudbiyo xabsiyada Somaliland, waxana muuqata in mushkiladda budhcad-badeeddu tahay mushkilad adduunka oo dhan haysata, waxana hadda Soomaaliya iyo Puntland loo tixgeliyaa inay yihiin hoyga budhcad-badeeddu ka soo abqaalanto, sida xaqiiqda ahna budhcad-badeeddu waa natiijada faqiirnimada ka jirta Soomaaliya.
Sida ugu fiican ee wax lagaga qaban karo budhcad-badeeddu waa iyadoo laga shaqeeyo horumarka, dhismaha dhaqaalaha iyo weliba ku dhaqanka sharciga, dmarkuna waa kuwa maamula arrimaha qoysaska, waxna way ka qaban karaan la-dagaalanka budhcad-badeedda oo waxay ka shaqayn karaan sidii carruurta budhcadda noqon lahayd ay dhaqaale ugu raadiyaan, waxbarasho ugu helaan, waxana jira dumar reer Somaliland ah oo ku mashquulsan barnaamijyo la xidhiidha kobcinta ganacsiga oo kalluunka iyo arrimo kale oo badanba ka shaqeeya.
Haatuf: Waxa Somaliland ka jira baahiyo kala duwan oo ay ugu weyn tahay shaqo la’aanta haysata dhallinyarada, taasoo ku kellifta inay dalka ka tahriibaan oo badankoodu ku dhintaan badaha, ma jiraa qorshe degdeg ah oo Midowga Yurub ugu talogalay wax-ka-qabashada arrimahaas?
Safiirka Midowga Yurub: Su’aashaasi waa mid aad u muhiim ah. Arrintani Somaliland iyo dalalka kale ee gobolka oo dhanba muhiim bay u tahay oo way saamaynaysaa. Haddii dhallinyaratoodu shaqo iyo fursado helaan way iska joogayaan, sidaynu ognahayna tahriibku waa dhibaato, waxana dhibaato kale ah in marka dhallinyaradu ka yaacaan camal la’aanta dalkooda ka jira ee dalalka kalee ay u tahriibaana wax jaanis ah ka waayaan, halkaasna ku kadeedmaan, taasina waa sababta aannu inta badan xoogga u saarno mashaariicda waxbarashada Somaliland, tacliintana waxa barbar socda shaqo-abuur, laakiin arrinta tahriibtu ma aha mid si toos ah u khuseeya Midowga Yurub, balse wuxuu khusaynaaya oo masuuliyaddaas qaadi kara bulshada rayidka ah ee ganacsiga ku jira sida tujaarta oo kale, waxaanuna doonayana in aannu samayno degaan suurtogelinaya in shaqo abuur la helo.
Annagu inta aannu qof lacag ka soo qaadno oo qof kale siinno ma odhanayo hadhaw iska bixi, laakiin waxaannu xoogga saaraynaa sidii bulshada rayidka ah loogu diyaarin lahaa tababaro xirfado shaqo, kaasina ma aha wax maalin qudha ku guulaysan kara, balse waa inaad inyar ku bilawdo si aad u gaadho kuwa waawayn ee la hiigsanayo.
Radio Hargeysa: Waa maxay doorka Midowga Yurub ka qaadanayo barnaamijyada horumarinta dumarka si loo yareeyo faqiirnimada ka jirta Somaliland iyo maamul-wanaaggaba?
Safiirka Midowga Yurub: Waxa dumarka loo taageerayaa sida iyaga oo ah hooyiinka bulshada, waana muhiim taageeradoodu, wax horumar ahna jiri maayo haddaad iska indhitirto inta badan bulshada dalka oo ah haweenka, sidaa darteed sida muuqata taageerada isku dheellitirnaanta labka iyo dheddiga (gender balance) iyo in la taageero in dumarku door muhiim ah ku yeeshaan bulshada waxayna abuuraynaa degaan suurtogaliya in haweenku kaalin fiican ka ciyaaraan waxyaabaha ay doonayaan inay dalka ka qabtaan.
Sidaynu ognahay bulshooyin badan oo xataa dalalka Yurub ku jiraan ayaa qarniyo badan iska indhotirayey kaalinta dumarku ku leeyihiin bulshada, waxaanan odhan karaa waa dhibaato haddii aan dumarka Somaliland laga taageerin sidii ay sallaanka u soo fuuli lahaayeen.
Dhinaca maamul-wanaagga marka laga hadlayo in ka badan toban sanno ayey Midowga Yurub ka shaqaynayeen dhismaha bulshada rayidka ah oo qayb ka qaadan kara maamul-wanaagga, laakiin marka laga hadlayo dib-u-dhiska qaranka dhan oo burburay Somaliland guul bay joogataa, annaguna guul baannu joognaa.
Haddii aad eegto hannaanka dimuqraadiyadda Somaliland oo Midowga Yurubna qayb ka ahaa waxay qayb ka tahay dhismaha maamul-wanaagga, waxana arrintan qayb ka qaatay xisbiyada siyaasadda, Komishanka Doorashooyinka iyo dhammaanba dhinacyadii ku lugta lahaa oo dhan, markaa haddaad eegto hannaanka Somaliland uga soo gudubtay dagaalladii horraantii sagaashaamaadkii dhacay waxa la joogaa guul ilaa hadda.

Araweelonews  Mobile
Somaliland Office   
E-mail; This e-mail address is being protected from spambots. You need JavaScript enabled to view it
This e-mail address is being protected from spambots. You need JavaScript enabled to view it
This e-mail address is being protected from spambots. You need JavaScript enabled to view it

 

Qubanaha Wararka iyo Qoraallada

Maxaa Ka Jira Kulanka Xaaji Xirsi Wasiirka Madaxtooyadu Ka Hor Intii Aanu Dalka Dhoofin La Yeeshay Duur Wasiirkii Hore Ee Arrimaha Gudaha!!
Waxa baryahan si xawli ah uga dhex socday Somaliland arrin ku laba kaclaynta xawliga leh ee adeegsiga magaca habar magaado oo la aaminsan yahay inay si wayn dabada uga
Madaxweyne Ku Xigeenka Somaliland Oo Ka Hadlay Geerida Marxuum Chief Caaqil Abokor Xasan Dhunkaal Oo Ka Mid Ahaa Odayaasha Ugu Caansan Cuqaasha Somaliland
Hargeysa(Araweelo News Network)Madaxweyne ku xigeenka Jamhuuriyada Somaliland, isla markaana ah ku simaha Madaxweynaha Somaliland, Mudane,
Tabbantaabo Oo Kulan Afura Ku Marti-qaaday Qaar Ka Mida Qurbe-jooga Degmada Sabawanaag 22 July 2014, 01.49 carraale Qubanaha Wararka iyo Qoraallada
Tabbantaabo Oo Kulan Afura Ku Marti-qaaday Qaar Ka Mida Qurbe-jooga Degmada Sabawanaag
Hargeysa(Araweelo News Network)Ururka Samo-falka iyo Horumarinta Bulshada Ee Tabantaabo ayaa habeenkii xalay kulan afur ah usameeyey 70 Xubnood oo ka mid
Somaliland: Anti-Tribalism Movement. By. Saeed Issa Eleyeh 22 July 2014, 01.42 carraale Qubanaha Wararka iyo Qoraallada
Somaliland: Anti-Tribalism Movement. By. Saeed Issa Eleyeh
Somaliland: Anti-Tribalism Movement is non-profit social reform movement that works with tribal communities with the view to promote tolerance, reconciliation and
Habacsanaanta Shacabka Burco iyo Hadimooyinka Shirkaddaha Ku Midoobay Laydhka  Ee La Baxay (HECO), W/Q. Abdi Sugaal
Sida aynu wada ogsoonahay waxaa dhawaan midoobey shirkadihii laydhka ee magaalada burco  kuwaa soo laga dhigey shirkad kaliya oo la magac  baxdey HECO
Maxaa Isku Khalday Da’adii Dhalinyarada Iyo Kuwii Dhalinyaro Dhaafay, W/Q. Mohamed Ahmed Muse
Dhalinyaro, Mise Dhalinyaro
Ramadaanta iyo Raashinka, By. Fardawsa Maax Xasan 17 July 2014, 23.04 carraale Qubanaha Wararka iyo Qoraallada
Ramadaanta iyo Raashinka, By. Fardawsa Maax Xasan
Alxamdulillah waxaynu soo gaadhnay bishii barakaysneyd ee Ramadan. Bishan oo aynu wada ogsoonahay qiimaha ay xambaarsan tahay iyo ahmiyada uu Allaah swt. Siiyey,
Dedaalka Maalgashiga Shisheeye Ee Xukuumada Somaliland Wuxuu U Baahanyahay In Xisaabta Lagu DarsadoTalooyinkan, By. Saciid Ciise ileeye
Somaliland waa wadan markaad eegto jiritaankiisa iyo horumarkiisu ay si dhakhso ah isu dhaafeen, taas oo xowliga ay ku socotaa uu yahay mid hammuun
Furaha Salaadda Q.3aad W/Q. Cabdullaahi Beershiya 11 July 2014, 11.59 carraale Qubanaha Wararka iyo Qoraallada
Furaha Salaadda Q.3aad W/Q. Cabdullaahi Beershiya
Tilmaam 7: Haddii se u xasuusto isaga oo Salaadda ka baxay in dharkiisa amma meel jidhkiisa ka mid ahi nijaas lahayd Saalaadiisaasi waa u sax oo soo celin maayo
Dabarrada Sharci iyo Qabyada Garsoorka ee Xagal-daaciyey Nidaamka Caddaaladda Somaliland, Garyaqaan Ibraahim Khadar Siciid. Q 2aad
Waaxyo Garsoor oo Sharci ah oo aan la Samayn: Xeerka Nidaamka Garsoorka qodobka 10aad oo ka hadla awoodda Maxkamadda Sare waxa uu jideeya

There seems to be an error with the player !

Saaxiibada kuugu Dhow Ee Kula Wadaaga Waqtigan

We have 25 guests online

Sports Headline

Hambalyo & Tahniyad

Hanbalyo Meher 29 May 2014, 20.59 carraale Hambalyo & Tahniyad
Hanbalyo Meher
Gudoomiyaha Golaha Wakiilada Mud. Cabdiraxmaan Maxamed Cabdilaahi
Hanbalyo Meherka Naasir Yuusuf Daahir Iyo Marwadiisa Hoodo Siciid Shugri 30 April 2014, 19.33 carraale Hambalyo & Tahniyad
 Hanbalyo Meherka Naasir Yuusuf Daahir Iyo Marwadiisa Hoodo Siciid Shugri
Wasiirka Madaxtooyada JSL Mudane, Xirsi Cali Xaaji Xasan,Wasiiru-dawlaha Madaxtooyada Md. Maxamed Muuse Abees,Wasiiru-dawlaha Nabadaynta iyo Horumarinta Gobollada Barri ee JSL, Mudane Cali
Meher wacan Axmed Cabdiraxmaan Ismaaciil Cadami Iyo Marwadiisa Hodan Muuse Xasan 11 January 2014, 20.49 carraale Hambalyo & Tahniyad
Meher wacan Axmed Cabdiraxmaan Ismaaciil Cadami Iyo Marwadiisa Hodan Muuse Xasan
Cabdiqaadir Muxumed Aadan iyo Xaaskiisa, Cabdicasiis Ismaaciil Cabdi iyo Xaaskiisa, Maxamed Cabdillaahi Dalmar iyo Xaaskiisa, Mustafe Maxamed Cabdillaahi (Faro), Siciid Axmed Cabdi, Cabdirisaaq
Hanbalyo Allif Mabruuk Arooska Axmed Siciid Maxamed iyo Marwadiisa Nimco Cabdullaahi Cabdi
Tafaftiraha Shebekaddaha Araweelonews.com, Arraweelo.com iyo shaashada ArraweeloTV Carraale Maxamuud Jaamac iyo dhamaan weriyaayaasha iyo hawlwadeenada shebekaddaha Arraweelooyinka
Hanbalyo Aroos Wacan 21 September 2013, 17.26 carraale Hambalyo & Tahniyad
Hanbalyo Aroos Wacan
Maamulaha Dugsiga Hoose Dhexe Ee Horyaal Caynaba Aden Dirir Geedi
Hambalyo Aroos Fadxad leh: Gacal iyo Sokeeya-ba Guurkiinna lagu farax 22 June 2013, 21.01 carraale Hambalyo & Tahniyad
Hambalyo Aroos Fadxad leh: Gacal iyo Sokeeya-ba Guurkiinna lagu farax
Guurkiinnu Guur khayr, Gurigiinna Guri Nagi, Guulloow ka
Meher Wacan Mr. Sacad Muuse Ibraahim & Ifraax Cali Cabdi 30 May 2013, 17.24 carraale Hambalyo & Tahniyad
 Meher Wacan Mr. Sacad Muuse Ibraahim & Ifraax Cali Cabdi
Aabbo Cali Cabdi Cabdillaahi, Hooyo Xalliimo Cabdi Cumar, Layla Cali Cabdi iyo carruurteeda, Samsam Cali Cabdi iyo carruurteeda, Safiya Cali Cabdi iyo
Hambalyo Meher Wacan Cawaale Maxamed Guuleed Iyo Marwadiisa Hodan Muxum’ed Ibraahim
Agaasimaha waaxda Cashuuraha Berriga ee Wasaaradda Maaliyada JSL C/raxmaan Jibriil Cabsiiye, Gudoomiyaha Gobolka Saaxil Cali Maxamed Cilmi, Gudoomiye kuxigeenka
Hanbalyo Aroos Reerkii Lagu Nastee Lagu Negaadee Wadajiree Nabadgala 21 March 2013, 17.33 carraale Hambalyo & Tahniyad
Hanbalyo Aroos Reerkii Lagu Nastee Lagu Negaadee Wadajiree Nabadgala
Naasir Axmed Cumar, Hani  Maxamed Sheekh Muuse, Umal khayr Maxamed Sheekh Muuse, Luqman Maxamed Sheekh Muuse,
Hambalyo Meherka Maxamed Cawil Axmed iyo Aamina Cabdi Cumar 18 March 2013, 21.31 carraale Hambalyo & Tahniyad
Hambalyo Meherka Maxamed Cawil Axmed iyo Aamina Cabdi Cumar
Suldaan Maxamuud Axmed Sheekh, Xildhibaan Siciid Cilmi Rooble, Xildhibaan Axmed-weysa- cadde, Xildhibaan Aadan Xaaji diiriye (Sanqoole), Mujaahid Cabdillaahi Xuseen Dhegaweyne,

Home | RSS Feed Designed by Ubax H. Hashi

Top